玫瑰痤瘡-打倒吧！ 我從來都冇唸過一個皮膚病可以搞到你迅速減肥，個人咩都吾想做，塊臉又好慶，成個人都冇晒心機，更加冇唸過作為男生既我，吾化妝，淨係得閒用下洗面奶都會有呢個病。但如果咁吾好彩有左呢個病既，吾好成日都吾開心，盡量忘記佢，雖然好難，但都試下啦，畢境心情對皮膚都好大影響架。 通常玫瑰痤瘡初初都會好似敏感咁，又係紅左一忽，上面有d粒粒咁，又或者可以腫埋。但有玫瑰痤瘡仲會覺得塊臉好慶，就算坐下到都會覺得慶，出去晒太陽就會更加慶同紅，兼且d紅係會吾識退咁。冬天既時候，有玫瑰痤瘡既人更加會覺得辛苦，因為一入空調房塊臉會好紅好紅，好似飲完酒咁。我因為仲讀緊書，有次上堂嗰陣仲比人問我係咪岩岩飲完酒黎上堂啊，佢仲笑我你咁勁既，飲完酒無酒味！同埋玫瑰痤瘡仲會有d粒粒或者瘡出既，但嗰d瘡就吾似暗瘡咁有d黃色既'矓'。 如果吾好彩真係有左玫瑰痤瘡既，千其千其千其千其吾好係到怨自己，或者攪到自己好抑鬱。呢個病既痛苦大概只有自己同病者先知，因為佢影響到我地既生活真係太多啦，太多啦！但千其吾好放棄，我因為呢個病仲同女朋友分左手，初初都好吾開心，但當你唸住你吾開心個病又會跟住吾開心，會惡化，你就知道自己一定要堅強落去。 Seize the day, make your life extraordinary!